Xhaka, Shaqiri dhe Daku urojnë 111-vjetorin e Pavarësisë

Futbollistët Granit Xhaka, Xherdan Shaqiri dhe Mirlind Daku kanë uruar përmes postimeve në rrjete sociale 111-vjetorin e Pavarësisë.

Sot mbushen 111 vjet nga dita kur u shpall Pavarësia e Shqipërisë, më 28 Nëntor 1912.

Akti i Shpalljes së Pavarësisë përbën një nga ngjarjet më të rëndësishme në historinë e popullit shqiptar. Ai ishte fryt i përpjekjeve dhe i luftërave shekullore të shqiptarëve, për të mbrojtur tërësinë tokësore të atdheut dhe për të formuar shtetin e pavarur shqiptar.

Me vendimin e Kuvendit të Vlorës, kombi shqiptar fitoi të drejtën e tij të pamohueshme për të qenë i lirë e i pavarur, krahas kombeve e popujve të tjerë të Evropës.

LEXONI GJITHASHTU:

• Festimet në Korçë për 111-vjetorin e Pavarësisë, kisha bekon flamurin
• Ministria e Jashtme e Serbisë uron Shqipërinë për Ditën e Pavarësisë