Meta rendit arsyet pse ktheu ligjin që zgjat afatin e koncesionit të aeroportit ”Nënë Tereza”

Presidenti Ilir Meta deklaroi sot se ka kthyer për rishqyrtim ligjin që zgjaste me 13 vite të tjera koncesionin e aeroportit ndërkombëtar të Tiranës “Nënë Tereza”.

Në një deklaratë për shtyp Meta tha se “qeveria dhe kompania private nënshkruan kontratën e re koncesionare më 26 janar në një noter në Kamëz” dhe se “vetëm një ditë më pas ajo e miratoi dhe e depozitoi me urgjencë në Kuvend duke e përfshirë në rend dite”.  diskutimet e asaj dite;

Ligji i kthyer për rishqyrtim nga Presidenti, u miratua më 8 shkurt dhe zgjaste kontratën koncesionare të aeroportit të Rinasit nga viti 2027 në vitin 2040.

Meta e cilësoi të jashtëligjshëm pasi është bërë:

• me trajtim preferencial dhe klientelist;
• pa garë dhe pa transparencë;
• pa pritur përfundimin e kontratës ekzistuese;
• në shkelje të ligjit, konkurrencës së lirë,
• në shkelje të barazisë përpara ligjit;
• në shkelje të vetë marrëveshjes bazë të vitit 2004;
• pa pasur një analizë shteruese të besueshmërisë financiare të kompanisë;
• pa vlerësuar thellësisht pozitat dominuese të kompanisë në sektor;

Si rrjedhojë e argumenteve të bëra, Meta u drejtoi disa pyetje ministreve të Financave Anila Denaj dhe Infrastrukturës Belinda Balluku:

• Kur e keni zhvilluar procesin e negocimit me kompaninë koncesionare?
• Kur e keni dakordësuar draftin e marrëveshjes shtesë?
• Kur e keni konsultuar këtë draft të dakordësuar dhe me ministritë e linjës?
• Kur shkuat dhe e nënshkruat në Kamëz?
• Kur e përgatitët dosjen për ta përcjellë në Këshillin e Ministrave për shqyrtim?
• Si arritët t’i bënit të gjitha këto brenda një dite?

Lexoni gjithashtu:

Meta kthen për rishqyrtim zgjatjen me 13 vite të koncesionit të aeroportit të Rinasit