Basha takime me aleatët, PD arrin marrëveshje me Mediun, Dukën, Shehin dhe Dulen

Takime intensive në selinë e Partisë Demokratike, teksa sot është afati i fundit i regjistrimit të koalicioneve.

Sipas raportimeve më të fundit, kreu i demokratëve ka arritur marrëveshjen me Partinë Republikane të Fatmir Mediut, me Partinë Agrare Ambientaliste të Agron Dukës, me Lëvizjen për Zhvillim Kombëtar të Dashamir Shehit si dhe me Partinë Bashkim për të Drejtat e Njeriut të Vangjel Dules.

Ndërkaq, ka përfunduar takimi dhe është arritur marrëveshja me Partinë për Drejtësi dhe Unitet të Shpëtim Idrizit dhe me kreun e demokristianëve, Nard Ndoka.

25 shkurti është edhe afati i fundit që koalicionet parazgjedhore të regjistrohen në KQZ.

Koalicioni me numrin më të madh të partive në këto zgjedhje pritet të jetë ai i udhëhequr nga Partia Demokratike.

PD-ja dhe LSI-ja kanë parë si mënyrë të maksimalizimit të mirë të votës së qytetarëve daljen me dy lista në këto zgjedhje.