NASA publikon pamjet spektakolare nga Marsi, si duket Planeti i Kuq

NASA ka shpërndarë pamje të jashtëzakonshme të kapura nga sonda Mars Odyssey e cila ka monitoruar Planetin e Kuq për 22 vjet.

Sonda e NASA-s kapi pamjet e para të Marsit që shfaqin horizontin e lakuar dhe shtresat e atmosferës, të ngjashme me pamjet kur një astronaut sheh Tokën nga Stacioni Ndërkombëtar i Hapësirës.

Sipas NASA-s pamjet na japin një kuptim të asaj se si duket Planeti i Kuq.

Sonda i kapi imazhet në muajin maj në një lartësi prej 400 kilometrave – e njëjta lartësi në të cilën fluturon Stacioni Ndërkombëtar Hapësinor mbi Tokë.

“Nëse do të kishte astronautë në orbitën e Marsit, kjo do të ishte perspektiva që ata do të kishin”, tha Jonathan Hill nga Universiteti Shtetëror i Arizona-s, i cili kryeson operacionet për kamerën e Odyssey, i quajtur Sistemi i Imazhit të Emisionit Termik, ose THEMIS.

Inxhinierët në Laboratorin Jet Propulsion të NASA-s dhe Lockheed Martin Space, ishin ata që ndërtuan sondën Odyssey, me qëllim kapjen e këtyre pamjeve.

Misioni Mars Odyssey i vitit 2001 është anija kozmike më e gjatë operuese e NASA-s në Mars, duke shënuar 22 vjet në orbitë në tetor 2023.

LEXONI GJITHASHTU:

• NASA arrin të prodhojë oksigjen në Mars
• “Pikëpyetja kozmike”, çfarë zbuloi teleskopi i NASA-s në hapësirë