Beteja politike në Tiranë, PS tërheq disa prej figurave të saj në qarkun më të madh të vendit

Për shkak të numrit të madh të deputeteve, qarku i Tiranës do vazhdojë të jetë edhe fushë beteja më e nxehtë për zgjedhjet e 25 prillit.

Për këtë arsye edhe forcat politike kanë përqendruar disa prej figurave të tyre më të rëndësishme në këtë Qark.

Partia Socialiste ka vendosur të kandidojë në kryeqytet Elisa Spiropalin e cila në zgjedhjet e 2017 ishte në qarkun e Fierit.

Ndërkohë që edhe emra si Belinda Balluku, Elva Margariti, Anila Denaj apo Fidel Ylli do i bashkohen luftës politike në qarkun më të madh të vendit.