‘Rusia mbron territorin e Serbisë’/ Ministri i mbrojtjes falenderon ambasadorin rus

Zëvendëskryeministri dhe ministri i Mbrojtjes së Serbisë, Millosh Vuçeviç u takua me ambasadorin e Federatës Ruse në Beograd, Aleksandar Harchenko.

Vuçeviç ka falenderuar gjatë takimit Federatën Ruse për “ndihmën në ruajtjen e sovranitetit dhe integritetit territorial të Serbisë. Ai ka theksuar se synimi i Serbisë është ruajtja e statusit të një shteti neutral ushtarak.

Sipas njoftimit në këtë takim është diskutuar edhe për gjenjen aktuale të sigurisë në Kosovë dhe në rajon.

Ambasadori rus ka zhvilluar një takim dhe me kreun e të ashtuquajturës zyra për Kosovën në qeverinë serbe, Petar Petkoviç. Ky i fundit i ka shprehur diplomatit rus shqetësimet për sigurinë e serbëve në Kosovës. Petkoviç pretendon se serbët janë në kërcënim të vazhdueshëm nga qeveria e Albin Kurtit.

Serbia vazhdon të mbajë lidhje të ngushta politike dhe ushtarake me Rusinë, edhe pse kjo e fundit ka kryer agresion në Ukrainë.

Serbia është shteti i vetëm në Evropë që nuk i ka vendosur sanksione Rusisë. Ndërsa organizatat ndërkombëtare kane ngritur shqetësimin për presionin qe po u behet kritikëve të Vuçiç njësoj si kritikët e Putin në Rusi.

LEXONI GJITHASHTU: 

• Dortmundi “fundos” Milanin/ Verdhezinjtë kryesojnë grupin F
• Dëbora e parë ‘mbulon’ Bredhin e Hotovës në Përmet