Vrasja në Laknas, viktima punonte shofer në Linjën e Kamzës. Policia jep detajet

Shefi i Komisariatit numër 5 në Tiranë ka dhënë detaje në lidhje me ngjarjen e ndodhur pak më parë në Laknas ku Shefqet Hasa, rreth 55 vjeç ka ndërruar jetë.

Ky i fundit mësohet se punonte si shofer në linjën e Kamzës.

Në një dalje për mediat ai tha se motivet e ngjarjes kanë qenë për një kanalizim të ujërave të zeza, duke shtuar se autori i ngjarjes e kishte armën pa leje.

Të gjithë personat e përfshirë në ngjarje janë në një lagje.

“Nga tërësia e veprimeve rezulton se autorët janë dy persona të dëmtuar, shtetasi Shefqet Hasa i cili ka ndërruar jetë dhe shtetasi Besim Keqa që ndodhet jashtë rrezikut për jetën. Motivet janë për motive të dobëta. Arma ishte pa leje dhe u kap më shërbimet e policisë në banesë. Bëhet fjalë për një kanalizim të ujërave të zeza. Janë po në një lagje. Konflikti ka qenë i çastit”-tha ai.

LEXONI GJITHASHTU: 

• Aksion për kapjen e grabitësve të argjendarisë në Kosovë, vritet 1 prej autorëve
• “Butrinti”, Zhupa: Hapat që do ndërmarrim nëse “Kushtetuesja” nuk rrëzon kocesionin