Ambasadorja Yuri Kim takon Bashën: Dëgjova programin ekonomik të PD dhe aleatëve të saj

Ambasadorja e Shteteve të Bashkuara të Amerikës Yuri Kim ka zhvilluar këtë të enjte një takim me kryedemokratin Lulzim Basha.

Me një shënim në Twitter, kryediplomatja thotë se me z. Basha ka diskutuar për programin ekonomik të Partisë Demokratike dhe aleatëve të saj.

“Pata një takim të shkëlqyer ditën e sotme me kreun e PD-së, Lulzim Basha. Dëgjova programin politik të PD dhe aleatëve të saj”, shkruan ambasadorja Kim.

Ajo thotë se SHBA–ja pret nga partitë politike që në listat e kandidatëve për deputetë të përfshihen persona, të cilët nuk kanë probleme me ligjin.

“Nënvizova se SHBA-ja pret që listat e kandidatëve për deputet të jenë të pastra. Ne do të jemi gjithmonë të përkushtuar për forcuar marrëdhënien SHBA-Shqipëri, me respekt për votuesit shqiptar në zgjedhjet e 25 prillit”, shkruan ambasadorja.

Lexoni gjithashtu: 

Lulzim Basha zbardh detaje nga takimi me ambasadoren e SHBA-ve, Yuri Kim