Zgjedhjet për kryetar të LDK-së, Kryesia vendos që Kuvendi Zgjedhor të mbahet më 14 mars

Lidhja Demokratike e Kosovës do të mbajë Kuvendin Zgjedhor për zgjedhjen e kryetarit të ri, më 14 mars të këtij vitit.

Kjo është bërë e ditur nga sekretari organizativ i kësaj partie,  Arban Abrashi.

“Sot kryetari në dorëheqje e ka ftuar mbledhjen e Kryesisë për Kuvendin Zgjedhor për kryetarin e ri të LDK-së. Kemi diskutuar për datën 14 mars kur pritet të jetë data për mbajtjen e Kuvendit Zgjedhor për caktimin e kryetarit të ri. Ne kemi filluar përgatitjet për mbarëvajtjen e Kuvendit me 14 mars të këtij vitit”, ka thënë Abrashi.

Po ashtu Abrashi tha se ditët në vijim do të kenë takime edhe me kryetarët e degëve të LDK-së dhe me Kryesinë për emrat e mundshëm për kryetar.

Korrespondenti i Euronews Albania në Kosovë, Jeton Musliu tha se vetëm një kandidaturë është zyrtare, ajo e Anton Qunit, aktualisht ministër i Mbrojtjes, i cili e bëri publike kandidaturën e tij.

Ndër emrat që po përfliten siç tregoi dhe Musliu është ai i Lutfi Hazirit, aktualisht nënkryetar i Lidhjes Demokratike të Kosovës, dhe i Kujtim Shalës, një prej akademikëve më të shquar në Kosovë.

Lexoni gjithashtu: 

”Zyrtarë të Shqipërisë marrin mjekimin anti-COVID në Prizren”, mjeku Avdaj tregon detajet

Dhunohet gazetari, tre persona sulmojnë fizikisht Visar Duriqin, i thyejnë hundën e dhëmbët

Infektohen mësues e nxënës, pandemia godet edhe arsimin në Kosovë por mësimi vazhdon