Në qytetin jugor të Gazës raportohet për luftime shtëpi më shtëpi

Ofensiva e ushtrisë izraelite kundër Hamasit në Gaza vazhdon me forcë të plotë pavarësisht presionit në rritje për të bërë më shumë për të minimizuar viktimat civile, të cilat vazhdojnë të rriten.

Në veri, banorët raportuan për ripërtërirë zjarrin e tankeve izraelite, ndërsa në jug, luftimet intensive vazhdojnë. Khan Younis nga është Yahya Sinwar, lideri i Hamasit në Gaza mbetet një objektiv kryesor. Autoritetet izraelite thonë se liderët e grupit janë fshehur atje, ndoshta në rrjetin nëntokësor të tuneleve.

Luftimet në qytet po ndodhnin shtëpi më shtëpi dhe bosht më bosht, tha gjenerali Dan Goldfuss për agjencinë e lajmeve Reuters, duke iu referuar boshteve të tunelit.

Mbrëmë, krahu i armatosur i Hamasit publikoi një video, e cila thotë se tregon pasojat e një operacioni të dështuar izraelit për të liruar një peng. Përfundon me imazhet e një trupi të gjakosur që duket të jetë i robit. Videoja nuk është verifikuar në mënyrë të pavarur.

Një zëdhënës i ushtrisë izraelite tha se një përfaqësues kishte informuar familjen e pengut dhe tha se Hamasi po bënte “luftë psikologjike”. Më herët, ushtria izraelite konfirmoi se dy ushtarë ishin plagosur rëndë gjatë operacioneve në Gaza për lirimin e pengjeve, por se askush nuk ishte liruar.

LEXONI GJITHASHTU:

• Gaza, qindra predha tankesh izraelite goditën kampin e refugjatëve Jabaliya
• Netanyahu: Vijojmë operacionet tokësore në Gaza derisa të arrijmë gjithë objektivat