Kryeopozitari rus largohet nga burgu ku qëndronte, zëdhënësja: Nuk e dimë ku ndodhet

Ish-kryeopozitari rus, Alexei Navalny, është larguar nga burgu ku qëndronte dhe nuk dihet vendndodhja e tij.

Sipas mediave të huaja, aleatët e Navalny thanë në rrjetin social “X” se avokatët e tij ishin përpjekur të arrinin në “IK-6 dhe IK-7”, dy koloni në rajonin e Vladimir, në lindje të Moskës, ku mund të ishte Navalny, por ata ishin informuar se ai nuk ishte atje.

Zëdhënësja e tij, Kira Yarmysh, tha se kritiku i Vladimir Putinit do të dilte sot në gjykatë përmes lidhjes video, por nuk e bëri.

Ajo tha se zyrtarët e burgut përmendën problemet e energjisë elektrike.

Avokatët ditët e fundit gjithashtu nuk kanë qenë në gjendje të hyjnë te Navalny, sipas zonjës Yarmysh.

“Tashmë është dita e gjashtë radhazi që ne nuk e dimë se ku është Alexei dhe çfarë po ndodh me të”, shkroi zonja Yarmysh në X.

Navalny është pas hekurave që nga janari 2021.

Arrestimi i tij erdhi pas kthimit të tij në Moskë nga Gjermania, ku u shërua nga helmimi me agjent nervor për të cilin u fajësua Kremlini.

Që atëherë ai është dënuar me tre burgime dhe ka kaluar disa muaj në izolim në një burg në rajonin e Vladimirit për akuza të ndryshme penale, duke përfshirë ekstremizmin.

Ai ka hedhur poshtë të gjitha akuzat ndaj tij si të motivuara politikisht.

LEXONI GJITHASHTU:

• I dënuar me 19 vite burg, Navalny thotë se ndaj tij kanë hapur një rast të ri penal
• SHBA-ja sanksionon katër rusë lidhur me helmimin e Navalnyt