Ish-ministri i Shëndetësisë, Ilir Beqja paraqitet në SPAK

Ish-ministri i Shëndetësisë Ilir Beqja, është paraqitur mëngjesin e ditës së sotme në SPAK.

Sipas burimeve të Euronews Albania Ilir Beqja është thirrur për çështjen e sterilizimit si person nën hetim.

Prokuroria e Posaçme Kundër Korrupsionit dhe Krimit të Organizuar ka caktuar masën e sigurisë “detyrim paraqitje” ndaj ish-ministrit të Shëndetësisë, Ilir Beqaj, i cili është në hetim për dosjen “Sterilizimi”.

Gjithashtu ish-zyrtarit të lartë, SPAK i ka bllokuar pasaportën duke caktuar masën “Ndalim i i daljes jashtë shtetit”.

Ilir Beqaj akuzohet për veprat penale  të “Shpërdorimi i detyrës” në bashkëpunim dhe “Shkelja e barazisë së pjesëmarrëve në tendera apo ankande publike” kryer në bashkëpunim dhe “Korrupsioni pasiv i funksionarëve të lartë shtetëror ose i të zgjedhurve vendorë” në lidhje me procedurën e dhënies së koncesionit të sterilizimit në periudhën kur ishte ministër i Shëndetësisë.

LEXONI GJITHASHTU: 

• “Kam pacientë që mezi ecin, të paralizuar nga azoti i tullumbaceve”-mjeku nga Londra
• Ekspertja: Fasoneritë në Shkodër me punonjës nga Afrika dhe Sri Lanka