Lamtumirë nacionalizëm! Tusk merr detyrën: Do ripërtërijmë pozicionin në BE

Liberali dhe pro-evropiani Donald Tusk dhe kabineti i tij u betuan përpara presidentit Andrej Duda dhe morën drejtimin e qeverisë.

Ish-presidenti i Këshillit Evropian është zotuar se do të ripërtërijë pozicionin e Polonisë në BE, pas përplasjeve të fundit me Brukselin lidhur me sundimin e ligjit.

“Zoti president, dua të them se e prita me shumë gëzim gatishmërinë tuaj për të bashkëpunuar. Kushdo që dëshiron të veprojë në përputhje me fjalët e betimit që bëmë këtu sot do të jetë aleati ynë, pavarësisht nga vjen apo se çfarë funksioni ka. Nuk ka çështje më të rëndësishme për ne se sa e mira e vendit dhe prosperiteti i qytetarëve tanë”, tha Tusk.

Ekzekutivi i ri përballet me sfida urgjente si përgatitja dhe aprovimi i buxhetit të përgjithshëm në më pak se dy javë dhe implementimi i disa reformave institucionale.

Sa i takon drejtësisë, ai do të përballet me opozitën e presidentit Duda, një ultra-konservator dhe i ngjashëm me idetë e qeverisë së mëparshme.

LEXONI GJITHASHTU:

• Donald Tusk zgjidhet kryeministri i ri i Polonisë
• Gjermania zgjat kontrollet kufitare me Poloninë, Çekinë dhe Zvicrën