Berisha para protestuesve: Të dalim me betimin se jetën e japim votën s’e japim

Kreu i Rithemelimi Sali Berisha në fjalën e tij para protestuesve të mbledhur para Kuvendit përsëriti kërkesën për mosbindje civile deri më rrëzimin e atij që e quajti regjimi i Edi Ramës.

Berisha i cilësoi të pranishmit në protestën e sotme luftëtarë të lirisë, që siç tha do të jenë fillimi i një kthese të madhe që kërkon historia.

Edi Rama, të ka ardhur fundi. Të garantoj se kurrë më, votën e shqiptarëve nuk do guxosh ta prekësh. Pra, çfarë kërkohet nga ne sot? Kërkohet një kthesë, një kthesë në të cilën ne duhet të dalim në shesh mejdani si burra dhe gra të betuara për liri, luftëtarë lirie.
Duhet të dalim me betimin se jetën e japim, votën nuk e japim. Duhet të dalim me betimin se një armik, më i egri në historinë e qenies së shqiptarëve, që përzuri në 10 vite, 1.3 milionë shqiptarë dhe sot regjistrimi tregon se kanë mbetur në Shqipëri vetëm 1.5 milionë shqiptarë. Do përgjigjet gjer në një!

LEXONI GJITHASHTU:

• Argita Berisha nga protesta: Njerëzit do ta mbështesin Sali Berishën, jam e bindur
• Berisha: Sot do jemi luftëtarët e parë në rrugë, jemi në betejë pa kthim