Banorët e Fshat-Maliqit në Korçë në protestë për tokat bujqësore

Banorët e Fshat-Maliqit në Korçë janë ngritur sot në protestë.

Sipas banorëve tokat, të cilat ata i kishin në përdorim, të ndara me komision vite me parë janë duke u privatizuar nga një kompani private, e cila do të marrë këto toka me lejen e ministrisë së Bujqësisë.

Banorët shprehen se vitet e fundit u ishte premtuar nga bashkia se ata do të merrnin dokumentacionin përkatës të tokave dhe aktin e marrjes së tokës.

Ndërkohë tokat kanë qenë në përdorim prej vitesh nga këta banorë.

Sipas banorëve tani tokat i përkasin dikujt tjetër, por askush nuk është konsultuar më këta të fundit.