Ngricat shkaktojnë probleme në Korçë, 20 persona përfundojnë me fraktura në spital

Qytetit i Korçës është përfshirë ditët e fundit nga temperaturat e ulëta duke sjellë praninë e akullit në rrugë dhe trotuare.

Probleme ka patur pranë shkollave nga nxënësit, ndërkohë policia bën me dije se kanë ndodhur edhe aksidente rrugore me dëme materiale.

Deri tani bashkia në Korçë nuk ka marrë asnjë masë për kriposjen e rrugëve dhe trotuareve. Burime nga spitali rajonal i Korçës bëjnë me dije se kane kërkuar ndihmë 20 persona të lënduar me fraktura për shkak të akullit.

Temperaturat e ulëta dhe prania e ngricave në rrugë kanë shkaktuar probleme në disa qytete të tjera të Shqipërisë, kryesisht në zonat veriore dhe verilindore.