Plagosi me thikë 2 bashkëmoshatarët, arrestohet 14-vjeçari në Shkodër

Një sherr mes të miturve ka ndodhur këtë të premte në Shkodër, ku për pasojë kanë mbetur të plagosur 2 adoleshentë nga 14 vjeç.

Policia ka arritur të gjejë e të ndalojë autorin, i cili është po ashtu 14 vjeç.

Nga informacionet zyrtare, dy adoleshentët janë jashtë rrezikut për jetën. Motivi i kësaj ngjarje të rëndë mendohet të jetë bullizmi mes të miturve.

Njoftimi i policisë:

Rreth orës 18:15, në vendin e quajtur “Stadiumi“, gjatë një konflikti të çastit dyshohet se shtetasi E. F 14 vjeç ka dëmtuar me mjet të mprehtë ( thikë) dy të mitur 13 e 15 vjeç, të cilët janë dërguar në spital dhe po marrin ndimën mjekësore jashtë rrezikut për jetën.

Shërbimet e Policisë shkuan menjëherë në vendngjarje dhe pas disa minutash kontrolli në zonë bënë të mundur kapjen e autorit të dyshuar shtetasit E. K., rreth 14 vjeç.

Shtetasi E. K po shoqërohet në ambientet e Drejtorisë Vendore të Policisë dhe do kryehen veprime proceduriale në prani të psikologut dhe familjarëve nën drejtimin e Prokurorit.

Grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes.

LEXONI GJITHASHTU:

• Kërkesa për heqjen e imunitetit të Berishës, avokati: Ishte shumë e thatë
• EMRI| Plagosje në Sarandë, qëllohet me thikë në kokë dhe brinjë një 54-vjeçar