Aksident i rëndë në aksin “Levan-Tepelenë”, 7 të plagosur, mes tyre edhe fëmijë

Një aksident automobilistik ka ndodhur pak minuta me parë në aksin e autostradës Levan – Tepelenë në afërsi të vendit të quajtur “24 orarëshi” në Poçem.

Burime zyrtare nga policia e Fierit pohojnë se janë përplasur dy automjete e si pasojë janë plagosur 7 persona.

Në spital janë paraqitur për ndihmë 5 persona, mes të cilëve dy fëmijë. Një nga fëmijët, i moshës 3 vjeçarë ka hyrë në sallë të operacionit dhe ndodhet në gjendje të rëndë.

Ndërsa gjendja shëndetësore e personave të tjerë nuk dihet ende.

Në vendngjarje kane shkuar forca të policisë rrugore dhe ekspertët për të zbardhur rrethanat e këtij aksidenti.

Njoftimi i Policisë:

Fier/Informacion paraprak

Rreth orës 19:50, në aksin rrugor “Levan-Tepelenë”, automjeti tip “Nisan” me drejtues shtetasin R. Sh., është përplasur me automjetin tip “Honday” me drejtues shtetasin S. C.

Si pasojë e përplasjes janë dëmtuar dy drejtuesit e mjeteve, 3 pasagjerët në mjetin “Nisan” (18 vjeç, 12 vjeç dhe 10 vjeç) si edhe 2 pasagjerë në automjetin tip “Honday” (9 vjeç dhe 2 vjeç), të cilët ndodhen në spital, në kujdesin e mjekëve, jashtë rrezikut për jetën.

Grupi hetimor po punon për përcaktimin e shkakut të aksidentit.

LEXONI GJITHASHTU:

• Aksident në Korçë/ “Audi” përplaset me një motomjet, një i plagosur
• 289 të mitur në timon. Në 2023, u shkaktuan 29 aksidente nga shoferë nën 18 vjeç