”Vaksina AstraZeneca funksionon”, mjeku Fandi shprehet se Londra po i kthehet normalitetit

Mjeku shqiptar që jeton dhe punon në Londër, Adrian Fandi tha se që nga fundi i janarit, kur procesi i vaksinimit atje kishte nisur dhe masat kufizuese janë shtuar, numri i personave që shtrohen në spitale është më i vogël.

“Kanë filluar të vijnë në spital edhe njerëz me pneumoni normale, bakteriale, jo vetëm pneumoni nga COVID. Kjo tregon që avash-avash gjendja po kthehet në normalitet,” – sqaroi Fandi.

Në intervistën për Euronews Albania ai u shpreh se vaksina e parë që u përdor ishte Pfizer, më pas Moderna dhe në fund u aprovua dhe AstraZeneca teksa sqaroi se secila vaksinë ka dhënë efektin e saj.

Ditën e sotme në Londër, siç tregoi mjeku janë hapur dhe shkollat që është diçka shumë pozitive dhe kështu do të vijojë me gjithë masat kufizuese.

Sa i takon skepticizmit për AstraZeneca, mjeku Fandi tregoi se është një vaksinë klasike dhe është duke vepruar.

“Ne vaksinën e bëjmë që të krijojmë antitrupa dhe niveli i antitrupave, flas me AstraZeneca por edhe me vaksinat e tjera është rritur në mënyrë të konsiderueshme. Kjo do të thotë që e ka dhënë atë shtyrjen për rritjen e anti trupave njëkohësisht edhe te njerëzit që nuk e kanë kaluar COVID më parë. Kështu që vaksina funksionon, pastaj nga ana politike se cila është më e mirë apo më e keqe, ky është një diskutim i kotë që nuk ka vend,” – u shpreh Fandi.

Sakaq sa i takon vaksinimit të emigrantëve mjeku tha se ekziston një ndrojë te ta pa lënë pas dhe apelin për ndihmë, duke dhënë dhe shembullin e tij personal që në një studio tijën Adrian Fandi vetë ka ndihmuar emigrant shqiptar të cilët kanë qenë me COVID dhe kanë pasur nevojë për kurim.

Lexoni gjithashtu:

RMV-ja merr dozat e para të vaksinës ruse, mjeku Osmani i shikon si të vetmen rrugëzgjidhje

8 Marsi, në kërkim të të drejtave, gratë protestojnë në Francë dhe Siri

Mirela Arqimandriti tregon se rreth 30 mijë gra kanë humbur punën gjatë pandemisë