222 mln € në prona/ 1.09 mld € investime të huaja, në rritje sektori dhe financiar

Për të dytin vit radhazi pasuritë e paluajtshme kryesojnë në investimet e huaja direkte.

Shifrat e Bankës së Shqipërisë për tre mujorin e tretë të vitit dëshmojnë se investimet në prona dhe pasuri të paluajtshme arritën 95 milion euro, ose 24% më shumë sesa vitin e kaluar.

Përgjatë 9 muajve të 2023, investimet e huaja në prona arritën një vlerë kapitale prej 222 milion euro.

Pavarësisht ngadalësimit të rritjes ekonomike në vend dhe shtrenjtimi i normave të interesit, blerjet e pronave në vend kanë vijuar të rriten, me blerjet e këtyre të fundit nga shumë shtetas të huaj, të cilët kanë qenë një faktor kyç në tregun e Real State.

Sektori i dytë për 9 mujorin e vitit është ai i industrisë nxjerrëse, i cili ka gjeneruar 200 milion euro investime.

Një risi dhe kontributi më i madh për rritjen e investimeve të huaja për këtë vit e zë sektori financiar, i cili arriti në 166 milion euro, 80% më shumë krahasuar me vitin e kaluar.

Rritja e vlerës në këtë sektor është e lidhur ngushtë me kërkesat për kapital ndaj bankave tregtare të cilat janë rritur.

Sektori energjetik renditet i katërti, me 121 milionë euro për 9-mujorin 2023.

Investimet e huaja arritën këtë vit në shifrën rekord prej 1.09 miliard eurosh, duke u rritur me 10.6% krahasuar me të njëjtën periudhë për vitin e kaluar, mbështetur gjerësisht dhe  nga forcimi i lekut në kursin e këmbimit.

LEXONI GJITHASHTU: 

• Izraeli: Hezbollahu sulmoi me raketë antitank kishën ortodokse greke
• Rama e Balluku vizitojnë punimet në tunelin e Murrizit: Pse projekti ka qenë sfidues