Lista e PD-së, Basha i pari në Tiranë, Berisha i pesti, kandidate edhe Flutura Açka

Pas miratimit unanim në kryesi dhe në Këshillin Kombëtar, PD ka depozituar në mesnatë listën e kandidateve për deputetë, një ndërthurje e emrave të rinj që garojnë për herë të parë, shoqërisë civile dhe atyre me eksperiencë.

Bie në sy kandidimi për herë të parë i shkrimtares Flutura Açka, e cila do te jetë e dyta ne qarkun e Elbasanit dhe publicistit Agron Gjekmarkaj i dyti në qarkun e Lezhës.

Basha ka renditur emra të rinj që garojnë për herë të parë në listë fituese, si kryetari i FRPD Belind Këlliçi, i 10 në Tiranë, zëdhënësja e PD-së Ina Zhupa e dyta në Vlorë, Arber Agalliu i katërti në Vlorë.

Ivi Kaso po kështu do të kandidojë në Tiranë dhe Tomor Alizoti që do të kandidojë në qarkun e Beratit.

Në listën e PD-së është edhe ish-zëdhënësja Orjela Nebiaj dhe ish- kapiteni i Tiranës, Gentian Muca.

Drejtuesit e shpallur të qarqeve do të drejtojnë dhe ekipet e kandidateve nëpër qarqe. 

Lista e qarkut të Tiranës do të kryesohet nga Lulzim Basha, ide të jetë kandidat vetëm në një qark ndryshe nga kryetarët e tjerë të partive politike, ndërkohë që vijon me të dytën në listë, Jorida Tabakun.

I tretë në listën e PD është Alfred Rrushaj, i cili kandidon për herë të parë.

I pesti në listë renditet ish-kryeministrin Sali Berisha.

Ne qarkun e Kukës kryeson listën Flamur Hoxha dhe pas tij renditet
Isuf Çelaj.

Në Shkodër Helidon Bushati kryeson listën ndërkohë që në listë janë dhe ish-kryebashkikau i Vaut të Dejës Zef Hila  e Bardh Spahia.

Në Elbasan kryeson listën Sekretari i Përgjithshëm, Gazment Bardhi edhe ky kandidat për herë të parë.

Ne Fier kryeson Enkelejd Alibeaj, pjesë e listës është dhe ish- kryebashkiaku i Mallakastrës Agron Kapllani.

Në Korçë i pari rendit nënkryetari i PD Edmond Spaho dhe me pas Sorina Koti, Ervin Salianji dhe ish-kryebashkiaku i Devollit Bledion Nallbati.

Në Vlore kryeson Bujar Leskaj, në Lezhe Mark Marku që i kthehet pas shumë vitesh jetës politike, në Durrës Edi Paloka, Oerd Bylykbashi dhe bie në sy rikthimi në  listën e kandidimit i Igli Carës

Në Gjirokastër lista e kandidatëve kryesohet nga Tritan Shehu, Xhelal Mziu do të kryesojë listën e Dibrës, i ndjekur nga Kreshnik Çollaku.

Ndërsa në Tiranë bie në sy rikthimi i Mesila Dodës në PD e cila renditet e 12-ta.

Nga aleatët Fatmir Mediu është renditur i 7-ti, Shpëtim Idrizi i 9-ti, Vangjel Dule i 11-ti,  Dashamir Shehi i 13-ti në Tiranë.

Agron Duka i dyti në Durrës dhe Nard Ndoka i 8 në Shkodër. 

Nuk janë pjesë e garës elektorale në këto zgjedhje Genc Pollo, Hekuran Hoxhalli, Klevis Balliu, Andon Frrokaj, Romeo Gurakuqi, Lorenc Luka, Halim Kosova, Florion Mima dhe Endri Hasa.

Lexoni gjithashtu:

Kandidatët e PD-së për zgjedhjet e 25 prillit, lista e plotë