Kosova hap korridoret ajrore me Shqipërinë

Kosova ka hapur korridoret ajrore me Shqipërinë.

Lajmin e ka bërë me dije Ministri i Infrastrukturës në Kosovë, Liburn Aliu, në një postim në rrjetet sociale.

“Sapo u hapen zyrtarisht korridoret ajrore me Republikën e Shqipërisë. Fluturimet për në perëndim dhe anasjelltas shkurtohen për së paku 15 minuta.  Nga 1 janari bashkatdhetarët përveç që do të udhëtojnë pa viza, do të kursejnë edhe më shumë kohë”, shkruan ai.

Që nga pas luftës fluturimet nga dhe në Aeroportin Ndërkombëtar të Prishtinës janë realizuar vetëm përmes korridorit ajror që e lidh Kosovën me Maqedoninë e Veriut.

Marrëveshja me Shqipërinë, për ta shfrytëzuar korridorin ajror të këtij vendi, është arritur në vitin 2020.

LEXONI GJITHASHTU: 

• Nostalgjia e kalendarëve në Gjirokastër, pensionistët të apasionuar pas të vjetrës
• Dodik: Republika Sërpska shkëputet nga Bosnja brenda disa javësh