Avokatët e Belerit “rrëzojnë” provën e SPAK. Del dëshmitari: Në foto jam unë

Në seancën e mbajtur gjatë ditës së sotme për Fredi Belerin është marrë në shqyrtim edhe një foto, ku SPAK pretendonte se në të dukej kryebashkiaku i zgjedhur me personin Arsen Rama.

Në lidhje me këtë çështje avokatët e Belerit kanë thirrur si dëshmitar Thoma Bogdani. Ky i fundit u paraqit i veshur njësoj si një nga dy personat të cilët dallohen në foto me Belerin, dhe tha në gjykatë se personi në foto është vetë ai.

Foto-ja është bërë nga forcat operacionale të Policisë se Shtetit gjate mbajtës nën vëzhgim të Belerit pak ditë para zgjedhjeve të 14 majit.

Në procesin ndaj Fredi Belerit Gjykata e Posaçme ka rrëzuar kërkesën e avokatëve për përjashtimin nga trupa gjykuese të gjyqtarëve Erion Çela dhe Irena Gjokës me pretendimin se janë treguar të njëanshëm ndaj tij.

Në seancën e sotme u paraqitën 5 dëshmitarë mes tyre një gazetar lokal që intervistoi Avdyl Ramën, vëllain e bashkëpunëtorit të drejtësisë Arsen Ramës.

Avokatët paraqitën kërkesën që në listën e dëshmitarëve të thirren dhe kancelari i gjykatës së Vlorës dhe ai i prokororisë së të njëjtit qytet. Vetë Fredi Beleri ishte i pranishëm në seancë.

LEXONI GJITHASHTU:

• Beleri flet në gjyq: Ndihem i diskriminuar, kërkojnë të më dënojnë me çdo kusht
• Vëllai i Belerit flet për mediat greke: Pse Rama s’do ta humbasë Bashkinë e Himarës