“Të ndezim bashkërisht një shpresë të re”, lir Meta uron shqiptarët për Vitin e Ri

Kryetari i Partisë së Lirisë, Ilir Meta ka uruar të gjithë shqiptarët për vitin e ri me anë të një postimi në Facebook.

Ai ka uruar për një vit të ri plot shpresë ndërsa ka shprehur edhe mirënjohjen për të gjitha të mirat dhe sukseset për vitin që po lëmë pas por edhe për mësimet e fituara.

“Në këtë natë ndërrimi të viteve, le ta lëmë pas vitin 2023 duke qenë falenderues për çdo moment që kemi patur fatin të kalojmë me familjen dhe njerëzit e dashur.

Mirënjohës për gjërat e mira dhe sukseset e festuara, po aq sa për mësimet e fituara në jetë apo në punë;  Duke qenë krenarë për çdo vështirësi me të cilën jeni përballur me dinjitet;

Le të ndezim bashkërisht një shpresë të re dhe të madhe, drita e së cilës do të ndriçojë përgjatë vitit të ri dhe do të jetë udhërrëfyes për Shqipërinë e të ardhmes më të mirë. Gëzuar Vitin e Ri 2024! Urimet më të mira nga zemra të gjithë shqiptarëve”,-shkruan Ilir Meta.

LEXONI GITHASHTU:

• “Unë jam Edi Rama, mbrapa më vjen historia”- Kryeministri uron shqiptarët përmes IA
• Papa Françesku lutje për ndalimin e luftërave: Dëgjoni zërin e ndërgjegjes