Ish-kampioni i shahut ironizon Vuçiç: Përgëzime, në një listë me diktatorët që…

Garry Kasparov, ish-kampioni i botës në shah dhe një kritik i madh i presidentit rus Vladimir Putin, “ironizoi presidentin serb Aleksandar Vuçiç dhe kryeministrin hungarez Viktor Orban.

Kasparov ka shkruar në rrjetin social X se ka uruar Vuçiçin dhe Orbanin, që janë në listën e atyre të cilëve Putini i ka uruar Vitin e Ri.

“Përgëzoj Vuçiçin dhe Orbanin që së bashku me diktatorët e Kinës, Kubës, Venezuelës dhe Sirisë ishin në listën e atyre që Putini uron festën! Kam dëgjuar se kjo lloj mirënjohjeje është edhe më e rëndësishme për punonjësit sesa paga dhe shpërblimet”, ka shkruar Kasparov.

Poshtë këtij postimi mund të shihni komente të tipit se të paktën Vuçiç nuk është anëtar i NATO-s dhe se ka shpresë se Orban nuk do të rizgjidhet dhe që të lartpërmendurit të kuptojnë mirë njëri-tjetrin dhe të bashkëpunojnë mirë.

Kujtojmë se presidenti rus Vladimir Putin u ka dërguar urimin e Vitit të Ri vetëm dy liderëve evropianë – kryeministrit hungarez Viktor Orban dhe presidentit serb Aleksandër Vuçiç, njoftoi shërbimi për shtyp i Kremlinit, transmeton Tass.

LEXONI GJITHASHTU:

• Vuçiç refuzon thirrjet për hetim ndërkombëtar për parregullsitë në zgjedhje
• Vuçiç zgjedh Brnabiç në krye të qeverisë së re, por jo për një mandat 4-vjeçar