Piktori Nazmi Hoxha: Kryeministrin Rama e kam mik, e prisja pensionin e posaçëm

Piktori Nazmi Hoxha ishte i ftuar mëngjesin e kësaj të hëne në një intervistë për “Good Morning Albanians” për të folur rreth pensionit të posaçëm për artistët, nga i cili ai është përfitues. Bëhet fjalë për një pension i cili do t’u jepet figurave të spikatura në vend dhe që është  10 herë më shumë se pensioni social.

Nazmi Hoxha i cili jeton dhe punon së bashku me familjen në New York, tha se është ndier shumë i vlerësuar nga ky vendim i qeverisë, ndërsa theksoi se e priste një gjë të tillë nga kryeministri Rama, i cili është një artist dhe artdashës edhe vetë. Ai madje theksoi se personalisht ka njohje të hershme me kryeministrin dhe se miqësia e tyre ka qenë e ngushtë sa

“Kisha besim pasi kryeministri është mik i imi i vjetër dhe koleg njëkohësisht. Ai më njeh prej vitesh. Ne kemi pasur marrëdhënie të veçanta me artin që bëhej në atë kohë. Ishte një drejtim i kundërt me realizmin socialist. Kryeministri e bëri të veten. Dashurisë për artin, është fakt kur e ke kryeministrin artist. Unë nuk e kam shumë problem këtë punë. Ai punën time e njeh mirë, jetën time e njeh me detaje. Unë e shkruajta biografinë time, por ai e di shumë mirë. Ne kemi qenë 3-4 shokë të ngushtë si vëllezë3r dhe i njohim shumë mirë këto detaje”,-tha piktori Nazmi Hoxha.

Kujtojmë se pensioni i posaçëm i parashikuar për personalitetet më të spikatura në vend, është bërë sa dhjetëfishi i pensionit social.

“Qeveria miratoi dhënien shtese të pensionit të posaçëm shtetëror në masën e dhjetëfishit të pensionit  social por  shuma  e pensionit të  caktuar sipas  ligjit   nr.  7703,  datë 11.5.1993, dhe përfitimeve të caktuara sipas ligjeve për  skemat  suplementare  dhe  trajtimet  e  veçanta, plus këtë shtesë, të mos kalojë dymbëdhjetëfishin e pensionit social”, thuhet në vendim e publikuar në fletoren zyrtare të datës 3 janar 2024.

LEXONI GJITHASHTU:

• Vendimi i qeverisë: Pensioni i posaçëm bëhet sa 10-fishi i pensionit social
• “Pensionistët duhet të marrin 250-500 mijë lekë shpërblim”-flet 78-vjeçari