“3 burgime përjetë për Dan Hutrën, mund të hyjë në izolim të plotë”-avokati

Avokati Kujtim Cakrani tha mëngjesin e kësaj të premteje në “Good Morning Albanians”, se Dan Hutra i cili më 1 mars të vitit 2023 vrau tre gra në Tiranë dhe plagos tre të tjera mund të dënohet me 3 burgime të përjetshme .

Madej avokati shtoi se ai mund ta vuaj dënimin në izolim të plotë për shkak të rrezikshmërisë së lartë që paraqet për shoqërinë.

“Ai ka kryer 3 vrasje me paramendim dhe është në kodin e procedurës penale që do dënohet me burgim të përjetshëm për vrasjen e 3 personave, pra me 3  burgime të përjetshme. Sa i takon hetimeve për vepra të tjera të dyshuara , është në të drejtën e organit të procedurës që mund të ketë kryer vrasje me pagesë apo forma të ndryshme dhe duhet hetuar dhe duhet punuar fort për ta bërë një bashkëpunëtor drejtësie”,-tha avokati.

Dan Hutra u rikthye në qendër të mediave ditën e djeshme (4 janar 2024) pasi ai tentoi të arratisej nga burgu i sigurisë së lartë në Fier, ku aktualisht po vuan dënimin.

LEXONI GJITHASHTU:

• “Krimi në Shqipëri nuk njeh moshë, as gjini”, sociologu: Institucionet të ndërhyjnë
• Vrau vëllanë më pas veten/ Gazetari: S’pati konflikt verbal, u dëgjuan vetëm krismat