34-vjeçares në Belsh i vjedhin çantën me 3 mijë euro dhe flori

Një 34-vjeçare, banuese në Itali, ka bërë një denoncim në polici, pasi i kanë vjedhur çantën me 3 mijë euro brenda në një byrektore.

Ajo ka zbuluar se brenda kishte dhe aksesorë të tjerë floriri dhe dokumente.

“Në stacionin e Policisë Belsh, ka kallëzuar shtetasja M. T., 34 vjeçe, banuese në Itali, se në ambientet e jashtme të një byrektorje i kanë vjedhur çantën brenda së cilës kishte 3000 euro, disa aksesorë floriri dhe dokumente”-njofton policia.

Vijon puna për identifikimin dhe kapjen e autorit/ëve të vjedhjes.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Arrestohen 5 nga 8 dhunuesit që sulmuan shqiptarët në Malin e Zi
• Shisnin drogëra të forta pranë shkollave, në pranga dy vëllezërit në Durrës