Testi i naftës në Shpirag, Balluku: Presim 300 mijë fuçi në ditë, rezultatet në mars

Testi final për nxjerrjen e naftës në Shpirag do të kryhet në muajin mars, ndërsa rezultatet e testeve paraprake nga kompania Shell janë optimiste.

Për ministren e Infrastrukturës dhe Energjisë, Belinda Balluku nuk ka më dilemë që nafta gjendet aty, por tashmë po shihen mundësitë dhe sfidat për të nxjerrë deri në 300 mijë fuçi në ditë.

“Është vërtetuar fakti që kemi  Rezervuari është aty, me sasitë e parashikuar, sfidash jonë është te rrjedhave, që duhet t’i përgjigjet atyre 100 mijë fuçive në ditë, por në presim 300 mijë fuçi, që të kem impaktin për fondin Sovran dhe buxhetin e shtetit.  Në 31 mars do kemi në fazat e testimit final dhe një deklaratë publike”, tha Balluku.

Blloku i Shpiragut në Berat është i vetmi ku po kërkohet për burime nafte në vend, ndërsa një kontratë e lidhur me kompaninë italiane Eni për kërkime në zonën e Dumresë, ende nuk është bërë aktive në zonë.

Ministrja Balluku foli edhe për menaxhimin e zonës naftëmbajtëse të Patos Marinzës, pasi kontrata me kompaninë Bankers Petroleum të përfundojë, duke lënë të hapur mundësitë, si për menaxhim nga shteti, ashtu edhe për riaktivizim të një kontrate të re koncesionare.

LEXONI GJITHASHTU:

• Money| Nafta e Shpiragut u shit në vitin 2021, zbardhen dokumentet
• Nafta e shpiragut kalon kufijtë e Shell