I zunë pritë dhe e lidhën, si u vra 41-vjeçarja shqiptare nga burri dhe shoku i tij
Të tjera detaje kanë dalë mbi vrasjen e 41-vjeçares shqiptare shtatzënë, Gjeorgjia Murati, në Greqi, trupi i së cilës u gjet në një zonë të pyllëzuar.
Sipas mediave greke, bëhet me dije se ajo u vra nga partneri dhe shoku i tij në natën e ndërrimit të viteve.
Dy burrat me sa duket i zunë pritë Gjeorgjias kur ajo hyri në shtëpinë e partnerit të saj 39-vjeçar në Selanik rreth orës 23:00 të natës së Vitit të Ri.
Sipas të njëjtave informacione, i pari që ka sulmuar 41-vjeçaren ka qenë shoku 34-vjeçar i partnerit, i cili nën kërcënimin e thikës ka imobilizuar gruan, ndërsa partneri i saj 39-vjeçar i ka vënë prangat dhe vendosi shirit mbi gojën e saj.
Tmerri për Gjeorgjian fatkeqe ka vazhduar në dhomën e gjumit të shtëpisë, ku dy burrat e kanë goditur me thikë disa herë majtas e djathtas në qafë, duke bërë që ajo të ndërroi jetë.
Lëvizja tjetër, me sa duket e planifikuar paraprakisht e dy autorëve ishte të vendosnin trupin e pajetë të Gjeorgjisë brenda bagazhit të makinës dhe në fund ta transportonin atë në një zonë të shkretë të Halkidikit.
Informacionet nga burime policore mësojnë se në fund, pasi kanë braktisur trupin e 41-vjeçares, 39-vjeçarja dhe 34-vjeçari janë kthyer në banesën ku e kishin vrarë dhe tentuan të fshehin gjurmët e tyre, madje duke ndryshuar dyshekun e krevatit.
Bëhet e ditur se dy autorët pasi vranë 41-vjeçaren shtatzënë, i kanë zhvatur shumën prej 80 eurosh.
LEXONI GJITHASHTU:
Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Vritet një polic gjatë një operacioni në Maliq, plagoset një tjetër
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet