Republika e Kosovës heq vizat me Emiratet e Bashkuara Arabe

Qytetarët e Republikës së Kosovës do të mund të udhëtojnë pa viza drejt Emirateve të Bashkuara Arabe. Lajmin për heqjen e vizave me këtë shtet e ka bërë publik Presidentja Vjosa Osmani, e cila ka shpërndarë dhe fotot nga nënshkrimi i marrëveshjes.

Përmes një postimi në rrjetin “X” Osmani, nënvizon se kjo marrëveshje është një mundësi për rritjen e bashkëpunimit mes dy vendeve dhe qytetarëve të tyre.

“Falenderoj Presidentin e Emirateve të Bashkuara Arabe, Mohamed Bin Zayed për pranimin propozimit tim për heqjen e vizave për qytetarët. Marrëveshja e arritur gjatë takimit tonë muajin e kaluar tashmë është nënshkruar, duke hapur rrugën për më shumë mundësi bashkëpunimi midis vendeve dhe qytetarëve tanë”, shkruan Osmani.

LEXONI GJITHASHTU:

• Gjermania përshëndet liberalizimin e vizave për Kosovën: I afron njerëzit në Evropë
• OJQ-të serbe mbështesin heqjen e vizave për shtetasit e Kosovës me pasaporta serbe