Vrasja e bujshme e “Okit”, përplasja mes bandave dhe ekzekutimi i bosit të bixhozit
Të tjera detaje kanë dalë mbi ekzekutimin mafioz të shqiptarit Ohran Bajrami i njohur si “Oki”, në korrik të vitit 2023 në Kalkidhiki ku dhe u plagos rënë Sead Sezlovijk.
Sipas mediave të huaja, Bajrami ndodhej në një vilë në Kalkidhiiki kur autorët e dyshuar u afrun dhe qëlluan me 19 plumba.
Polygyros Security njoftoi të enjten se ka identifikuar një nga ekzekutorët. Bëhet fjalë për Gani Tushën, 33 vjeç shtetas i Maqedonisë së Veriut, me origjinë shqiptare.
“Motivi i krimit lidhet me rivalitetin mes dy grupeve kriminale, të cilat kryesisht janë aktive në trafikun e drogës dhe e kanë bazën në vendin e origjinës”, thuhet në njoftimin e Policisë.
Autori i identifikuar për sulmin në Kalkidhiki aktualisht është i burgosur në një burg të Shkupit, i akuzuar për pjesëmarrje në një vrasje të dyfishtë që ndodhi rreth një vit më parë në lokalin “Sisa” në qytetin e vjetër të Shkupit.
Në një reportazh të mëparshëm të NEWS24/7 theksohej se pas sulmit në Hanioti qëndronte lufta mes dy bandave rivale të Maqedonisë së Veriut, Dukanjik dhe Belanoca.
Konflikti ka marrë dhjetë jetë në vitet e fundit.
39 vjeçari Bajrami njihej si biznesmen në Shkup me aksione në një kazino dhe një fabrikë pijesh alkoolike.
Që në fillim, vrasja e tij u konsiderua nga autoritetet si një vrasje me pagesë. Ai konsiderohej si lideri informal i grupit të Dukanjik, i cili është në luftë me grupin Belanoca.
Banda e parë thuhet se është formuar në qytetin e vjetër me shumicë shqiptare të Shkupit, ndërsa e dyta në provincën e Kumanovës, gjithashtu një krahinë shqiptare në kufirin verior të vendit, pasi 25% e popullsisë së Maqedonisë së Veriut janë shqiptarë.
A.S, një i afërm i “Okit”, i cili u gjet i vdekur me një plumb në kokë në një magazinë jashtë Shkupit, në verën e vitit 2009, konsiderohet si i vdekuri i parë i luftës mes bandave.
Sipas mediave maqedonase, ai konsiderohej si koka e bandës së drogës.
LEXONI GJITHASHTU:
Erion Braçe del kundër Ramës për Zvërnecin (VIDEO)
Vrasja e policit gjatë operacionit në Maliq, Lamallari nga Trauma: Hetim i thelluar mbi përgjegjësitë
Plumba mbi policinë, vritet efektivi në krye të detyrës, plagoset kolegu i tij
- 14:12 Ushtria amerikane sulm ndaj një anije të dyshuar me drogë në Oqeanin Paqësor, dy viktima
- 14:05 Erion Braçe del kundër Ramës për Zvërnecin (VIDEO)
- 13:54 Vjosa Osmani në Gjilan: Besojmë në punë, rezultate dhe aleancën me ShBA-në
- 13:47 Vrasja e policit gjatë operacionit në Maliq, Lamallari nga Trauma: Hetim i thelluar mbi përgjegjësitë
- 13:36 Prishtina solidarizohet me Tiranën, protestë kundër investimit në Zvërnec
- 13:34 Samiti BE-Ballkani Perëndimor më 5 qershor, zbardhen pikat kryesore të agjendës