“Shqipëria do të luajë pa presion”, Çarçani: E gjithë vëmendja do jetë te ne

Gazetari sportiv Gerti Çarçani komentoi në Euronews Albania gjetjet e Barometrit lidhur me pritshmëritë për rezultatin e Kombëtares në fazën e grupeve në Kampionatin Evropian, ku kuqezinjtë do të përballen me Spanjën, Italinë dhe Kroacinë.

Sipas tij, Shqipëria do të luajë pa presion përballë skuadrave të mëdha që i kanë rënë në grup.

“Shqipëria ka dy skuadra shumë të forta, me trofe dhe jam i bindur që e gjithë vëmendja e tyre është e përqendruar te Shqipëria, por Shqipëria do luajë pa presion, kjo nuk do të thotë vetëm se do shkojë të luajë ato 3 ndeshje, por skuadrat e mëdha që e kanë presionin. Edhe pse ato mund të na llogarisin me 3 pikë… ishte grupi në  fortë dhe më interesat dhe vëmendja do përqendrohet te Shqipëria, ne luajmë pa presion dhe çfarë do prodhojmë, është momenti për të bërë një test real. Ne nuk jemi rutinerë, vendet e tjera kanë dalë nga 40 herë në evropian. Janë shumë ekipe që janë kualifikuar shumë herë, ne pas kualifikimit në 2016 shumë mendonin se nuk do na binte radha shumë kohë të kualifikoheshim. Suksese të tilla nuk i përjetojmë shpesh”, tha gazetari.

LEXONI GJITHASHTU:

• Një Kombëtare e përbashkët Shqipëri-Kosovë, mendimi i qytetarëve sipas Barometrit
• Kujt i dedikohet suksesi i kombëtares shqiptare?! Basha: Nuk ka qenë fati por…