Reshje të dendura bore në rrugën e Arbrit, policia: Qarkullimi vetëm me zinxhirë

Vendi ynë është përfshirë nga reshje të dendura bore në zonat malore si dhe reshje shiu e shtrëngata në zonat e ulëta.

Për shkak të reshjeve të dëborës, Komisariati i Policisë Rrugore Tiranë ka rritur prezencën e shërbimeve policore në Rrugën e Arbrit, për t’ju ardhur në ndihmë dhe këshilluar, drejtuesit e mjeteve.

Si pasojë e reshjeve të dendura të dëborës, në Rrugën e Arbrit, nuk do të lejohen të kalojnë automjetet pa goma dimërore dhe pa zinxhir.

Njëkohësisht, borëpastrueset po punojnë për mirëmbajtjen e rrugës, për të bërë të mundur rritjen e sigurisë në rrugë dhe pastrimin e rrugës nga dëbora.

LEXONI GJITHASHTU:

• Stuhia e borës bllokon disa zona në Elbasan, fshatrat pa energji elektrike
• Borë dhe rrebeshe, moti i keq përfshin vendin, probleme me qarkullimin