Bie skela e pallatit te ish-parku i autobuzëve në Tiranë, zë poshtë babë e bijë

Një ngjarje e rëndë raportohet të ketë ndodhur në Tiranë, ku skela e një pallati në ndërtim ka rënë dhe ka zënë poshtë 2 kalimtarë.

Ngjarja ka ndodhur në zonën e ish-Parkut të Autobuseve në Tiranë. Dyshohet se janë plagosur babë e bijë, Hysen Lavdari dhe Imelda Shkembi, të cilët ishin duke kaluar rrugën.

Ndërkohë bëhet me dije se të plagosurit janë transportuar në spital, por ende nuk ka informacion për gjendjen e tyre shëndetësore.

Policia e Tiranës ka shoqëruar në komisariat inxhinierin dhe dy punëtorë të pallatit në bulevardin “Gjergj Fishta”.

Njoftimi i Policisë:

Tiranë-Më datë 22.01.2024, rreth orës 10:10, në bulevardin “Gjergj Fishta”, janë rrëzuar skelat e nje pallati në ndërtim e sipër, dhe si pasojë janë dëmtuar 2 shtetas (kalimtarë) H. L., rreth 70 vjeç, dhe I. Sh., rreth 45 vjeçe.

Dy të dëmtuarit ndodhen në spital, në kujdesin e mjekëve.
Në ambientet e Policisë janë shoqëruar inxhinieri i pallatit, shtetasi K. S., dhe punëtorët N. S., dhe A. P., për veprime të mëtejshme procedurale.

Grupi hetimor ndodhet në vendngjarje dhe po punon për sqarimin e rrethanave të ngjarjes.

LEXONI GJITHASHTU:

• Sulm me raketë në një bazë të Irakut, plagoset një pjesë e personelit amerikan
• I kishte plagosur vajzën në 2013, zbardhet motivi i vrasjes së 52-vjeçarit në Burrel