Përfshihet nga flakët shkolla në Tiranë, evakuohen nxënësit

Një shkollë private në kryeqytet është përfshirë nga flakët mëngjesin e kësaj të hëne reth orës 10:30.

Si pasojë e situatës së krijuar është bërë evakuimi i të gjithë nxënësve nga ambientet e shkollës.

Nga informacionet paraprake bëhet me dije se si pasojë e zjarrit nuk ka pasur asnjë person të lënduar, por vetëm dëme materiale.

Zjarrfikësit kanë bërë të mundur neutralizimin e vatrës së zjarrit, ndërkohë që vijojnë hetimet për zbardhjen e shkaqeve të rënies së zjarrit.

Paraprakisht dyshohet se kemi të bëjmë me një shkëndijë elektrike në pjesën e depos së shkollës, ku kanë marrë flakë materialet e vjetra që ndodheshin aty.

LEXONI GJITHASHTU:

• Zjarri përfshin banesën në Pogradec, 5 banorët shpëtojnë mrekullisht
• Memaliaj, zjarri djeg disa banesa në një pallat dykatësh