Milan jashtë Europës, kuqezinjtë eliminohen nga Man. United, kualifikohen Arsenal e Roma

Milan është eliminuar nga Europa League pas humbjes në ndeshjen e dytë me Manchester United.

Kuqezinjtë u mundën minimalisht nga anglezët, që iu falën golit të Pol Pogba në pjesën e dytë.

Pavarësisht këmbënguljes, skuadra e Piolit nuk arriti që të gjente rrugën e rrjetës.

Për në raundin tjetër u kualifikua dhe Roma që arriti suksesin e dytë ndaj Shakhtar Donetsk.

Roma mbetet skuadra e vetme italiane që vijon të garojë në arenën ndërkombëtare, pasi janë eliminuar të gjitha ekipet e tjera.

Arsenal po ashtu mori një biletë për në raundin e çerekfinaleve, pavarësisht humbjes minimale me Olimpiacos.

Sa i takon ndeshjeve të tjera surpriza më e madhe u regjistrua në Zagreb, ku Dinamo eliminoi Tottenham duke realizuar një përmbysje të çmendur me rezultatin 3-0 pas kohës shtesë.

Në çerekfinale kaluan dhe Ajax, Slavia Prague, Granada Villarreal.