Reforma Zgjedhore, Meta: Të jepet garanci që pesha e votës do të jetë e njëjtë

Ekspertja Zgjedhore Gerta Meta, në një intervistë për Euronews Albania, foli në lidhje me ecurinë e Reformës Zgjedhore.

Ajo theksoi se shqetësimi që kanë është se si do të vlerësohet vota dhe cila do të jetë pesha e saj.

Mes tjerash ajo nënvizoi se pesha e votës së qytetarëve duhet të jetë e njëjtë nga Veriu deri në Jug të Shqipërisë.

“Të gjitha investimet, të gjitha propozimet duhet të jenë në tavolinë dhe duhet të dalin në një konkluzion të atij shqetësimi që ne të gjithë si aktorë qoftë politikë dhe jo politikë që kemi është se sa do të vlerësohet, si do të shpërndahet dhe sa do të jetë pesha e votës. Ky është një moment shumë i rëndësishëm që propozimet e tilla të japin një lloj garancie që pesha e votës së qytetarëve duhet të jetë e njëjtë nga Veriu i Shqipërisë në Jugun e Shqipërisë. Kemi bërë presion të vazhdueshëm ndaj Kuvendit të Shqipërisë, që të diskutohen të gjitha ato që kanë hedhur në draftin e tyre diaspora, në këtë lloj diskutimi”-tha ajo.

LEXONI GJITHASHTU: 

• Dita e Edukimit: Fondacioni Vodafone kontribut në edukimin digjital përmes STEM
• Frakturat nga rrëzimet/ Akulli në rrugë shton rastet me thyerje në Pogradec e Korçë