Rama vizitë në Francë, kryeministri pritet sot në takim nga presidenti Macron

Kryeministri Edi Rama është nisur sot drejt Francës për një vizitë në Paris, ku do të pritet nga presidenti francez, Emanuel Macron.

Lajmi është bërë i ditur nga faqja zyrtare e presidencës franceze, ku jepen ndër të tjera edhe pak detaje nga takimi mes dy liderëve.

Në axhendë thuhet se pas takimit në pallatin presidencial, “Elysee” do të ketë një drekë mes kryeministrit Rama dhe Presidentit Macron në orën 13:20.

Sakaq ende nuk dihen temat e diskutimit që do të trajtohen në takimin Rama-Macron, por pritet që fokusi qendror të jetë në temat e menaxhimit të situatës së pandemisë nga COVID-19 dhe procesi i negociatave të BE me Shqipërinë.