‘Gati të shtojmë trupat në Kosovë’-Sekretari i NATO: Stabiliteti në rajon, i brishtë

Sekretari i Përgjithshëm i NATO-s, Jens Stoltenberg, e cilëson situatën në Ballkanin Perendimor si të brishtë.

Në një takim me kryeministrin e Malit të Zi, kreu i NATO-së u shpreh se rajoni ka një rëndësi të veçantë për aleancën dhe zhvillimet në rajon janë në montorim të vazhdueshëm.

Duke folur për ngjarjen në Basnjë, Stoltenberg u shpreh se pas dhunës u dërguan 1 mijë forca të aleancës dhe po vlerësohet situata për dërgim të forcave të tjera.

“Stabiliteti në rajon mbetet i brishtë. Dhuna që shpërtheu vitin e kaluar në Kosovë ishte e papranueshme. Dhe NATO u përgjigj me shpejtësi, duke dislokuar 1000 trupa shtesë… ne vazhdimisht jemi duke e vlerësuar çdo nevojë për prani të mëtejme”, ka thënë Stoltenberg.

Ai ka thënë gjithashtu se aleanca është duke vlerësuar mundësinë për të dërguar trupa shtesë në Kosovë.

Kreu i NATO-s ka folur dhe për dialogun mes Kosovës dhe Serbisë. Sipas tij, situata mes dy shteteve mund të zgjidhet vetëm me vijimin e bisedimeve.

LEXONI GJITHASHTU:

• Osmani takon Presidentin e RMV: Kosova në NATO, garanci për stabilitetin e rajonit
• Parlamenti turk mbështet anëtarësimin e Suedisë në NATO