A do akordohet fond për oficerin e vetëvrarë? Kreu i sindikatës: Na i kanë bllokuar

Temë e emisionit Review në Euronews Albania, ishte vetëvrasja e nënkomisar Arben Pjeçit, i cili i dha fund jetës duke qëlluar veten me plumb në zemër brenda ambienteve të zyrës së tij në komisariatin e Durrësit.

Oficeri ishte në gjendje të rënduar psikologjike, pasi ndaj tij ishte firmosur një urdhër-shkarkimi, për shkak se Gjykata e Apelit e kishte dënuar me vendim të formës së prerë për “Plagosje të lehtë”.

I ftuar në studio, Sadedin Fishta, kreu i Sindikatës së Policisë, tha se sindikata që ai drejton nuk kishte asnjë dijeni mbi gjendjen e rënduar të nënkomisarit.

Ai sugjeroi që të ofrohet një shërbim psikologjik për punonjësit e Policisë së Shtetit.

Por teksa u pyet nëse sindikata do të jap një ndihmë ekonomike për familjen e të ndjerit, Fishta theksoi se drejtorët e përgjithshëm i kanë bllokuar fondet.

Pjesë nga biseda:

Jonida Shehu: A keni akorduar ndonjë fond për policin që ka vrarë veten, nga fondet tuaja?

Kreu i Sindikatës së Policisë: Nga fondet tona ne aktualisht jemi të bllokuar, pasi drejtorët e përgjithshmëm kanë bllokuar kalimin e fondeve.

LEXONI GJITHASHTU:

• Mesazhi që donte të jepte polici i vetëvrarë?/ Hoxha: Donte të ruante familjen nga…
• Vetëvrasja e nënkomisarit, Rexhepi: Gur i rëndë për policinë, ç’tregon dera e kyçur
• Vetëvrasja e policit/ Gazetari: Rrethanat e dyshimta, pse s’u dëgjua krisma