Sulmohen në Serbi dy autobusë të një kompanie të Kosovës

Dy autobusë të një kompanie nga Kosova janë sulmuar në Serbi, përkatësisht afër Kurshumlisë.

Lajmin e kanë konfirmuar për Klankosova.tv persona nga vetë kompania “Fjolla Impex”, ku thanë se sulmet kanë ndodhur mbrëmë.

“Dy autobusë janë gjuajtur me gurë mbrëmë. Njëri duke ardhur prej Serbisë dhe tjetri duke shkuar për Serbi. Ngjarja ka ndodhur afër Kurshumlisë”, thanë nga kompania për Klankosova.tv.

Ndërsa, sipas zyrtarëve të kompanisë, nuk ka persona të lënduar nga këto sulme por vetëm dëme materiale.

LEXONI GJITHASHTU:

• ‘Gati të shtojmë trupat në Kosovë’/ NATO: Stabiliteti në rajon mbetet i brishtë
• Ministri Sveçla: Janë mbyllur katër komuna paralele serbe në Kosovë