Partitë rrezikojnë votën e emigrantëve, Meta: Po luajnë me vullnetin e shqiptarëve

Kur na ndajnë më shumë se 1 vit nga zgjedhjet e ardhshme parlamentare, komisioneri shtetëror i zgjedhjeve, Ilirjan Celibashi kërkoi nga partitë politike që të bëjnë ndryshimet në kodin zgjedhor për të mundësuar votën shqiptarëve që jetojnë dhe punojnë jashtë vendit.

Celibashi paralajmëroi mundësinë e mos realizimit të votës së emigrantëve.

Gerta Meta, drejtore ekzekutive e Shoqatës për Kulturë Demokratike tha në një intervistë për Euronews Albana se partitë politike po luajnë me vullnetin e shqiptarëve duke bërë lojëra politike sa herë jemi në prag zgjedhjesh.

“Mënyra si po diskutohet, fillon nga ky premtim i pambajtur për të realizuar votën e emigrantëve. Nga eksperienca jonë si  vëzhgues zgjedhorë që jeni në terren që nga ‘92 kjo situatë e ngarkuar politike ka efektet e veta dhe alarmi që komisioneri ka lëshuar në drejtim të kuvendit është për të sjellë në kujtesë që partitë duhet të merren me reformën  zgjedhore. Reforma është kthyer në një legjendë urbane që ka arritur në nivelet e neverisë shoqërore se po luhet shumë politikisht sa herë jemi në prag zgjedhjesh”, tha Meta.

LEXONI GJITHASHTU:

• Vota e emigrantëve, Celibashi: Nëse nuk plotësohet boshllëkun ligjor, s’ka votim
• Bleu vota në zgjedhjet lokale të 14 majit, GJKKO dënon me burg Klodian Kapedani