“Lëreni të betohet”- Përkrahësit e Belerit protestë në Kushtetuese: Himara vendosi!

Përkrahësit e kryebashkiakut të zgjedhur të Himarës, Fredi Beleri, kanë zhvilluar këtë të enjte një protestë në ambientet e jashtme të Gjykatës Kushtetuese.

Me pankarta në duar përkrahësit e Belerit kërkuan që kjo gjykatë të të lejojë betimin e tij si i zgjedhuri në krye të bashkisë së Himarës.

Ky aksion i përkrahësve të Belerit vjen pasi në fillim të kësaj jave Apeli GJKKO vendosi që të rrëzon kërkesën e belerit për leje të posaçme në mënyrë që ai të betohej si kryebashkiak.

Avokatët kanë parlajmëruar rekurs në Gjykatën e Lartë për herë të dytë.

“Himara vendosi!”, “Respektoni Kushtetutën”, “Respektoni vullnetin e popullit”, thuhej në pankartat e personave që protestuan përballë Kushtetueses.

Fredi Beleri u arrestua në ambientet e një lokali në Himarë, vetëm 2 ditë para zgjedhjeve lokale të 14 majit.

Ai së bashku me bashkëpunëtorin e fushatës elektorale Pandeli Kokaveshi akuzohen për veprën penale të shit-blerjes së votave.

LEXONI GJITHASHTU:

• Kërkoi leje të posaçme për t’u betuar, Apeli i GJKKO merr vendimin për Belerin
• Kishte kërkuar lirimin nga burgu, Apeli i GJKKO merr vendim për Fredi Belerin