7.8 miliardë lekë për QSUT, spitali universitar do marrë 23% të fondit për spitale

7,8 miliard lekë do të jetë buxheti i Qendrës Spitalore Univeristare Nënë Tereza për vitin 2024.

Ka qenë Këshilli i ministrave që ka përcaktuar që nga 33 miliard lekë që është fondi i akorduar për spitalet, 23% ti jepet QSUT.

Por ndërsa merr më pak se ¼ e buxhetit, qendra spitalore përballon thuajse gjysmën e shërbimit spitalor.

E thënë në shifra, në vitin 2022 rreth 278 mijë persona u shtruan në spital, ku rreth 115 mijë ose 42 % u shtruan në pavijonet e spitalit universitar “Nënë Tereza”.

Të dhëna të tjera tregojnë se QSUT është ofruesi më i madh të gjithave shërbimeve spitalore. Përqendrimi i shërbimeve në këtë qendër ka ardhur në rritje vit pas viti, për shkak të mungesave në burime njerëzore dhe pajisje në spitalet rajonale.

Spitalet e qarqeve kanë mungesa të mëdha në të gjitha specialitetet, duke bërë që pacientët të orientohen në QSUT edhe për problematikat më të thjeshta .

Por përveçse QSUT ka pak buxhet në raport me shërbimin që ofron, fondet e tij gërryhen nga koncesionet. Duke qenë se shtrimet dhe ndërhyrjet kirurgjikalë janë të shumta, një pjesë e mirë e buxhetit të QSUT shkon për koncesionet dhe shërbimet mbështetëse.

LEXONI GJITHASHTU:

• U arrestua për shfrytëzim prostitucioni të 16-vjeçares, kirurgu pezullohet nga QSUT
• Gara për shefat e QSUT, konkurrencë në 10 shërbime, 25 të tjerat vetëm 1 kandidat