Pjesë e grupit që trafikoi 3.4 ton kanabis drejt Italisë, arrestohet 31-vjeçari

Një 31-vjeçar i shpallur në kërkim si pjesë e një grupi të trafikut të lëndëve narkotike është arrestuar në Romë me qëllim ekstradimin drejt Shqipërisë.

31-vjeçari rezulton si pjesëtar i një grupi kriminal që për një periudhë 7-vjeçare, trafikoi në Itali, 3.4 ton cannabis sativa dhe 35 kg kokainë.

Gjithashtu, këtij grupi i janë sekuestruar 195 953 euro dhe 1430 franga të përfituara nga kjo veprimtari kriminale.

Interpol Tirana vijon të bashkëpunojë me homologët në Romë, për ekstradimin e këtij shtetasi.

“Si rezultat i shkëmbimit të shpejtë të informacioneve të siguruara në kuadër të megaoperacionit “Sundimi i ligjit”, ndërmjet Interpol Tiranës dhe Interpol Romës, për vendndodhjen e një shtetasi të shpallur në kërkim ndërkombëtar, shërbimet e Drejtorisë Vendore të Policisë Shkodër dhe ato të Komisariatit të Policisë Malësi e Madhe finalizuan operacionin policor të koduar “Jeran”.

Gjatë operacionit u kap dhe u arrestua provizorisht, për t’u ekstraduar në Itali, shtetasi K. U., 31 vjeç.

Gjykata e Milanos i ka caktuar 31-vjeçarit, masën e sigurisë “Arrest në burg”, për veprën penale “Trafikimi i narkotikëve”, në kuadër të grupit kriminal, sipas parashikimeve të Kodit Penal të Italisë”, thuhet në njoftimin e policisë.

LEXONI GJITHASHTU:

• Të shpallur në kërkim ndërkombëtar për trafik droge, ekstradohen dy shqiptarët
• I akuzuar për vrasje në Elbasan|Arrestohet në Londër Donald Hoxha, pritet ekstradimi