“PS e di sa vota ka në kuti kur përfundon procesi”, Bogdani: PD është e ç’organizuar

Ish-funksionari i Partisë Demokratike, Gert Bogdani, është shprehur se nëse do të krahasoje partitë politike, PS është më e organizuar se PD.

Komentet Bogdani i bëri në emisionin “Barometri” në Euronews Albania, ku tha se PS e di sa vota ka në kuti kur mbaron procesi i votimit dhe e di se për kë do të votojnë qytetarët.

Bogdani tha se PD është më e ç’organizuar në këtë aspekt dhe nuk e parashikon drejtimin e votës.

Sipas tij, vetëm në disa fushata zgjedhore PD ka qenë e organizuar në atë nivel, sa të llogarisë se ku do të shkojë vota e qytetarëve.

“Vitet e fundit atë që ka kaluar Shqipëria për rrjedhjen e të dhënave personale, listën dhe sistemin e patronazhistëve, kam përshtypjen duhet të ishin shifrat shumë më ndryshe. Por kjo tregon dëshirën e njerëzve për ta patur votën të fshehtë.

Ndërkohë që nuk është kështu në Shqipëri, partia në pushtet apo partia tjetër e di. Duke u marrë me partitë politike, dua të them se është një realitet tjetër mes PD dhe PS. PS duke qenë një parti më e organizuar dhe më kapilare, është ajo që e di se për kë votojnë njerëzit, është ajo që e di sesa vota ka në kuti kur mbyllet qendra e votimit.

Kurse PD këtë pjesë e ka shumë të ç’organizuar. Shumë rrallë në disa fushata e ka pasur të mirëorganizuar, por kryesisht e ka të ç’organizuar. Kështu që nuk mendoj se këto shifra janë treguese reale të realitetit”, tha Bogdani.

LEXONI GJITHASHTU:

• Gjetjet e Barometrit: Shqiptarët janë besnikë, votojnë gjithmonë të njëjtën parti
• Partitë rrezikojnë votën e emigrantëve, Meta: Po luajnë me vullnetin e shqiptarëve