Tragjedi në Kili, shkon në 99 numri i të vdekurve nga zjarret

Numri i viktimave të zjarreve në pyjet në Kilin qendror është rritur në 99, ndërsa disa qindra persona janë të zhdukur, njoftuan sot autoritetet lokale.

Presidenti kilian Gabriel Boriç tha se vendi po përballet me një “tragjedi të përmasave të mëdha”, raporton Reuters.

Nga numri i përgjithshëm i të vdekurve u identifikuan 32. Gjithashtu, sipas mediave kiliane janë kryer 25 autopsi.

Shërbimet e urgjencës po përpiqen të frenojnë elementin e zjarrtë që kërcënon edhe zonat urbane.

Kjo cilësohet fatkeqësia më e rëndë që nga tërmeti i vitit 2010.

Tymi i zi shpërtheu mbi shumë pjesë të rajonit Valparaiso në Kilin qendror, shtëpia e gati një milion njerëzve dhe zjarrfikësit po përdornin helikopterët për të luftuar zjarrin.

Zonat përreth qytetit turistik bregdetar të Vina del Mar janë ndër më të goditurat, me ekipet e shpëtimit që përpiqen të arrijnë të gjitha zonat e prekura.

LEXONI GJITHASHTU:

• Zjarret në Kili| 64 të vdekur, dyshohet se numri i viktimave do vazhdojë të rritet
• Tragjedi në Kili, të paktën 50 të vdekur nga zjarret në pyje