Drejtori i MRB: Ka një polarizim, PS dhe PD po rriten teksa LSI po ulet

Dimitris Mavros, drejtor i kompanisë MRB, më të cilën Euronews Albania ka bashkëpunuar për kryerjen e sondazheve të “Barometri Politik”, tha se ka një polarizim.

Sipas tij Partia Socialiste dhe Demokratike po rriten ndërkohë që Lëvizja Socialiste për Integrim po ulet.

Teksa solli në vëmendje se kush mund të jetë fituesi dhe me sa mandate, drejtori i MRB theksoi se në bazë të të dhënave ka një grumbull njerëzish që beson se PS-ja do të ketë më shumë se 71 mandate. Sipas zbulimit të  sondazhit, Mavros tha se edhe të pavendosurit janë të prirur pozitivisht ndaj Partisë Socialiste.

“Nuk treguat ende matricën sa i përket votës së besnikërisë, se cila parti do të fitonte. Nëse shkon te të pavendosurit, 20% e tyre thonë që PS-ja do donin që të ishte fituese dhe votuesit e LSI-së 32% ja japin PS-së dhe 38% ja japin PD-së,” – shpjegoi Dimitris Mavros.

Sipas tij, Lëvizja Socialiste për Integrim është një faktor kyç dhe duket sikur për momentin partia mund të rritet.

Drejtori i kompanisë prestigjoze të sondazheve, MRB theksoi se duhet analizuar me shumë kujdes në ç’drejtim do të shkojnë votuesit.