Pi fotoksinë teksa ishte rënduar psikologjikisht, 61-vjeçari i shpëton vdekjes

Një 61-vjeçar në fshatin Dushk të Lushnjës i ka shpëtuar vdekjes dhe aktualisht ndodhet jashtë rrezikut për jetën, pasi ka konsumuar fotoksinë.

Përmes një njoftimi, Policia bën të ditur se 61-vjeçari e ka konsumuar lëndën helmuese, teksa ka qenë i rënduar psikologjikisht.

Ndërkohë grupi hetimor po punon për sqarimin e plotë të rrethanave të ngjarjes.

Njoftimi i Policisë:

Lushnjë-Pasditen e djeshme, për shkak të gjendjes së rënduar psikologjike, dyshohet se ka konsumuar fotoksinë, në banesën e tij në fshatin Dushk, shtetasi P. Sh., 61 vjeç. Ky shtetas është në spital, në kujdesin e mjekëve dhe aktualisht jashtë rrezikut për jetën.

Grupi hetimor po punon për sqarimin e plotë të rrethanave të ngjarjes.